ESPAZO MILLOTE

 

ESPAZO MILLOTE

Formando parte da nosa biblioteca escolar extensiva, o espazo Millote, creado neste curso, tras establecer as súas normas, cumpriu satisfactoriamente a súa primeira misión, ser unha zona aberta, dinámica, con doado acceso e visibilidade a recursos de lectura, información e aparendizaje da nosa lingua e cultura.

Ao longo do curso o alumnado consultou diversos tipos de publicacións e recursos de forma máis accesible, amena e participativa, que lles permitiu valorar a riqueza da nosa lingua e patrimonio cultural, espertando a súa curiosidade e fortalecendo o seu vínculo con él dende idades temperás.

E que mellor remate que deixarvos cunha primicia, o vindeiro ano, os distintos tipos de publicacións e xogos deixarán de esperar os seus lectores e usuarios, porque o espazo Millote ponse en movemento, poderémolo atopar en calquera recuncho, aulas, corredores, relanzos, patio, … sempre ao alcance de todos, para formar parte da vida cotiá do alumnado, porque ler é unha aventura que pode comezar en calquera lugar.