ESPAZO MILLOTE - O PAPAGAIO

No espazo millote temos dúas publicacións salientables, unha é a nosa propia revista “Sempre Nós” moi consultada por verse o alumnado reflectido nos seus traballos e a outra O Papagaio, é a estrela por achegar a nosa lingua e patrimonio cultural nun formato máis atractivo, visual e dinámico para eles/as, o cal é clave para fomentar a linguaxe falada e o hábito da lectura.

Dispoñer desta publicación como material inventariable de uso e consulta pero non prestable, favorece unha lectura máis libre e motivadora, especialmente naqueles nenos e nenas que aínda non senten atraídos polos libros tradicionais, as súas distintas seccións (reportaxes, experimentos, contos…) manteñen a súa utilidade máis aló do momento de publicación, o que xustifica a súa conservación e sen dúbida potencia a súa función pedagóxica, pois este tipo de publicacións, son firmes aliadas para;

Ø  a animación á lectura;

ü  polo seu continido actual e proximidade que concecta cos intereses do alumnado

ü  polos seus textos breves e variados adaptados a distintos niveis.

Ø  o desenvolvemento da competencia lingüística

ü  identificación de distintos xéneros (entrevistas, novas, contos,…)

ü  contidos transversais que abarcan curiosidades, literatura, medio ambiente, ciencia,..

Ø  o traballo cooperativo

ü  procura de información en grupo

ü  debates o faladoiros sobre temas de interese.

Ø  a creatividade e investigación

ü  creación de murais e traballos baseados en contidos da revista.

ü  producción de textos inspirados nas seccions da revista.

Aínda que o mellor, é que cada alumna ou alumno atopa as súas seccións favoritas que por suposto quere comentar, xerando así grupos de faladoiros, de menor ou maior tamaño, e automáticamente sen darse conta, grazas á lectura e ás conversas, seguen medrando xuntos tamén na nosa lingua.

Como mostra diso, compartimos estes momentos de traballo realizado en Samaín polo alumnado de 1º de primaria e momentos das sesións de lectura de 2º primaria.