PESCUDANDO - VIDA SAUDÁBEL

 

 “A VIDA SAUDÁBEL”

O alumnado de 4° de E.P., preséntanos un novo e interesante proxecto sobre a importancia de manter hábitos de vida saudábel e o papel que xogan os alimentos na nosa saúde.

Ao longo de varias semanas, pescudaron de onde proveñen os alimentos que consumimos a diario, aprendendo a diferenciar os distintos produtos segundo a súa orixe. Reflexionaron sobre a importancia dunha alimentación equilibrada, atopando que alimentos son máis beneficiosos para o seu crecemento e benestar. Ademais, analizaron a relevancia do exercicio físico, o descanso adecuado e a hidratación como piares fundamentais dunha vida saudábel. Como resultado final, elaboraron os seus traballos, fixeron as presentacións orais aos seus compañeiros e compartiron a aprendizaxe cunha exposición dos mesmos, accesible ao resto do alumnado do centro.

Este proxecto non só fomentou o traballo en equipo e a curiosidade, senón que tamén contribuíu a que tomen conciencia da importancia de coidar a súa saúde dende idades temperás.